FAMILIA YA MZEE ISSA NAKAUNDA MANGOSONGO INAPENDA KUTOA SHUKRANI KUBWA KWA WOTE.

 MAREHEMU MWL.ADELINA AMBROSE NKWITA.

SHUKRANI.

Familia ya Mzee Issa Nakaunda Mangosongo inapenda kutoa shukrani kubwa kwa wote walioshiriki kwa namna moja au nyingine katika msiba wa mama yetu mpendwa Mwl. Adelina Ambrose Nkwita, pichani hapo juu.

Shukrani hizo ziwaendee  madaktari wa Hospitali za Mikocheni, Muhimbili na Regency  kwa juhudi za kuokoa maisha ya  marehemu  mama yetu  aliyefariki dunia tarehe 10/05/2013 na kuzikwa tarehe  13/05/2013 katika makaburi ya Tabata Segerea.

Si rahisi kumtaja kila mtu, shukrani zingine ziende kwa Manispaa ya Ilala, Shule ya Msingi Olympio, Chama Cha Walimu Tanzania, Tawi la Manispaa ya Ilala,Wizara ya Habari, Vijana, Utamaduni na Michezo,Parokia ya Kristu Mfalme, Kwaya ya Parokia ya Kristu Mfalme, Jumuiya ya  Mt.Don Bosco ,ndugu, jamaa na marafiki.

Misa ya shukrani kwa ajili ya kumwombea marehemu itakuwa  Jumamosi tarehe 22/06/2013 saa 12.15 asubuhi katika Kanisa la Kristu Mfalme, Tabata.

Lakini katika mambo hayo yote tunayoshinda na zaidi ya kushinda, kwa yeye aliyetupenda. Kwa maana nimekwisha kujua hakika kwamba wala mauti, wala uzima, wala malaika, wala wenye mamlaka, wala yaliyopo, wala yatakayokuwapo, wala wenye uwezo, wala yaliyo juu, wala chini, wala kiumbe kingine chochote hakitaweza kututenganisha na upendo wa MUNGU ulio katika Kristo Yesu Bwana wetu, WARUMI 8:37-39.

Amina.