Kongamano kubwa la Kijeshi (Land Forces East Africa 2014) litafanyika jijini Dar es Salaam.

JESHI LA ULINZI LA WANANCHI WA TANZANIA

KURUGENZI YA HABARI NA UHUSIANO

Simu ya Upepo   : “N G O M E”            Makao Makuu ya Jeshi,

Simu ya Mdomo : DSM  22150463      Sanduku la Posta 9203,

Telex                     : 41051                        DAR ES SALAAM, 24 Juni, 2014

Tele Fax                : 2153426

Barua pepe       : ulinzimagazine@yahoo.co.uk

Tovuti                  : www.tpdf.mil.tz

                  

Taarifa kwa Vyombo vya Habari

Makao Makuu ya Jeshi yanatoa taarifa kwa vyombo vya habari kuwa, Kongamano kubwa la Kijeshi (Land Forces East Africa 2014) litafanyika jijini Dar es Salaam kuanzia tarehe 14 hadi 16 Julai 2014 katika ukumbi wa Mlimani City. Kongamano hilo ambalo litakuwa sehemu ya maadhimisho ya miaka 50 toka kuanzishwa kwa JWTZ, litahusisha maonesho ya zana za kijeshi yakayofanywa na makampuni zaidi ya 32 toka mataifa mbalimbali ya ndani na nje ya Afrika.

                  

Maonesho hayo yatatoa fursa kwa washiriki toka kada mbalimbali kubadilishana mawazo,  kuona na kutangaza biashara ya zana mbalimbali za kijeshi. Aidha, Majeshi yatakutana kujadili jinsi ya kukabiliana na changamoto za sasa za ulinzi na usalama wa Dunia hasa eneo la Afrika Mashariki ambalo linakabiliwa na changamoto mbalimbali ukiwemo uvuvi haramu, uharamia na jinsi ya kulinda maliasili za Taifa.

Washiriki mbalimbali watapata fursa ya kutoa mihadhara wakiwamo Wakuu wa Majeshi ya Ulinzi toka nchi mbalimbali, mabalozi na wawakilishi wa Jumuiya za Kimataifa.

Ili kutoa taarifa zaidi juu ya tukio hilo muhimu na kubwa kuwahi kufanyika nchini, Mkuu wa Kamandi ya Nchi Kavu Meja Jenerali Salim Kijuu atafanya mkutano na waandishi wa habari kesho tarehe 25 Juni 2014  Makao Makuu ya Jeshi Upanga saa tatu na nusu asubuhi.

Nyote mnakaribishwa.

Imetolewa  na  Kurugenzi  ya  Habari  na  Mahusiano

Makao Makuu ya Jeshi, Upanga

S.L.P  9203,   Dar es Salaam,  Tanzania.

Kwa Mawasiliano zaidi: 0754 - 270136