UVCCM YAMWAGA MSAADA SHULE YA MSINGI GULUKA KWALALA,KUFANYA ZIARA YA SHULE 50 MKOA WA DAR ES SALAAM KILA WILAYA SHULE KUMI 10

 Viongozi wa Umoja huo na wanafunzi.

 Wanafunzi.

 Wanafunzi.

 Viongozi.

 Viongozi.

 Shule na wanafunzi.

TAARIFA FUPI YA SHULE YA MSINGI  GULUKA KWALALA KWA WAGENI  UVCCM  MKOA WA DARA ES SALAAM TAREHE 16/11/2016

Ndugu kiongozi wa msafara  wa umoja wa vijana wa chama cha Mapinduzi (UVCCM) Mkoa wa Dar es salaam  kwa niaba ya uongozi wa shule yaani kamati ya shule ukiongozwa na mwenyekiti wetu Prof Felician Barongo, Walimu, Wanafunzi  na wanajamii zima ya shule hii Guluka kwalala tunapenda kuwakaribisha sana kwani ni mara ya kwanza kupata ugeni hapa shuleni wa namna hii tangu shule  hii imeanzishwa miaka sita iliyopita.

Shule ya Msingi Guluka kwalala iliyoanzishwa mwezi januari  2011 ikiwa  na wanafunzi 250 na ikiwa na darasa la I  sasa  hivi ina jumla ya wanafunzi wapatao 1326 kwa mchanganuo ufuatao;-

Awali          -        51

1                 -        290

II                 -        189

III                -        218

IV               -        147

V                -        221

VI               -        210

JUMLA     -        1326

Shule hii ina walimu wapatao 17 wakiume 3 na wakike 14 ikiwa na usumbufu wa walimu 14 kutokana na ikama inayotakiwa

Kwa upande wa kamati shule yetu hakuna tatizo kwani ina wajumbe 13  kama waraka wa Elimu unavyoelekeza ambayo imechaguliwa June 2015  na itahudumu hadi 2019 June

Kwa upande wa vyumba vya madarasa  shule ina  vyumba vya madarsa  vitano (5) ikiwa inaupungufu wa vyumba  23 ukiunganishwsa na idadi ya wanafunzi, shule haina ofisi ya walimu kwani walimu wanakaa madarasani na wanafunzi kitu ambacho sio sawa kutokana na taratibu. Pia shule ina upungufu mkubwa wa matundu ya vyoo kwani mahitaji ni matundu 58 lakini yaliyopo ni sita (6) tu

Kwa upande wa taaluma shule yetu haiku vibaya kwani pamoja na  shule hii kutokufika darasa la saba lakini kwa darasa la IV  kwa miaka waliyofanya mitihani ya upimaji wa kitaifa haijafanya vibaya hata mara moja wanafunzi wote waliokuwa wanafanya mitihani ya Taifa wamekuwa wanafaulu  kwa 100% na hata mwaka huu matarajio  yetu ni kufanya vizuri kwani matokeo ya kanda ya Ukonga ambayo ina shule 64 kwa mtihani  wa Mock uliofanyika hivi karibuni imeshika nafasi ya 34  na kwa matokeo hayo yameifanya shule yetu kushika nafasi ya 3 kati ya shule 7 za Kata  ikizidiwa na shule za matajiri wawili yaani za private Highmount  na Rugwa  na kuziacha shule 5 chini kwa kufaulisha wote waliofanya mtihani  huo. Nachukua nafasi hii kuwapongeza walimu  na kamati ya shule kwa jitihada zao za kufanikisha matokeo haya  japo walimu  wanakabiliwa na changamoto mbalimbali zikiwemo msongamano wa wanafunzi wengi madarasani, uhaba mkubwa sana wa vitabu  vya kiada  na mwamko mdogo  wa wazazi kwani kwa kutojua wajibu wao kwa watoto wao wamediliki kusema Elimu bure hivyo hawawezi kuchangia chochote hata kununua vitabu kwa watoto wao. Wanategemea Serikali iwaletee.  Kwa upande wa samani  za shule kuna uhaba wa  samani kama viti na meza kwa ajili  ya walimu kwani tuna hitaji viti 30 na meza 17 lakini vilivyopo ni viti 8 na meza 5 tu.

TATIZO LA VITABU VYA KIADA

Shule yetu inakabiriwa wa uhaba mkubwa wa vitabu vya kiada kwa madarasa la V,VI na sasa VII  kwani madarasa haya tangu yameanza hayajapata vitabu toka serikalini kwa madarasa  ya  V na VI ina vitabu visivyozidi vitano kwa kila darasa hii ni kutokana na juhudi   za uongozi wa  shule kupita kuomba nakala moja moja kwa shule jirani na hivyo kuwafanya walimu kuwa na kopi  mojamoja za kufundishia. Januari 2017 shule yetu itakuwa na  darasa la VII  kwa mara ya kwanza lenye wanafunzi 210 na kuhitaji   vitabu vya kiada kwa masomo  yote kumi (10)  hatuna hata nakala ya kitabu kimoja.

Ni matumaini ya shule yetu ziara  yenu hii italeta tija kwa walimu na wanafunzi wa shule kwa kuzingatia kuwa nyinyi ni watu mnaotoka katika Chama  chenye Serikali hivyo ni jukumu lenu kumsaidia Mhe. Rais wa Jamuhuri ya Muungano wa Tanzania katika lengo lake la kutoa Elimu bila malipo ambalo utekelezaji wake umeanza mwenzi Januari 2016.

Pia pamoja na kuomba msaada wa vitabu tunaomba pia kusaidiwa miundo mbinu ya maji kwani shule haina kisima cha maji, na shule haina nishati ya umeme. Mwisho tunaomba msaada wa Uniform inayojulikana T-shirt ambazo huvaliwa jumatano kama leo na ijumaa lakini haturuhusiwi kupokea fedha ya mzazi yeyote kwa ajili ya sare hii lakini bado hakuna tamko lolote linalositisha uvaaji wa sare hizi

Tunayomengi lakini kwa leo tunaomba niishie hapo kwa kuwa ninyi ni watu wazima kwa maelezo niliyoyatoa mmeelewa na hivyo kufika mahali kuweza kusaidia shule iweze kupiga hatua ya maendeleo kwani wazazi wa eneo hili wameathiriwa  sana na siasa hivyo nao wako kama wanasiasa na kusahau majukumu ya kusaidiana na walimu kuleta maendeleo ya shule na  watoto wao.

Mwisho sisi wanajumuiya ya shule tumefarijika  sana na ujio wenu hapa shuleni na kutia moyo kwa kuleta msaada huu mkubwa kwa wanafunzi wetu na tunawaahidi msaada huu utaleta chachu ya maendeleo ya kitaaluma na kuinua ufaulu  wa shule yetu .

Karibuni tena siku  nyingine

Ahsanteni sana

HAPA KAZI TU

………………………..

Valentine F. Mhagama

Mwalimu Mkuu