AFRICAN BARRICK GOLD MAENDELEO FUND NA TANZANIA HOUSE OF TALENTS YAWALETEA KAMPENI YA KIBUNIFU YA MAWASILIANO DHIDI YA UGONJWA WA MALARIA.

Leo tarehe 14^th Desemba 2012, African Barrick Gold Maendeleo Fund inazindua rasmi mpango “Nightwatch” utakaofanyika katika Kanda ya Ziwa. Mpango huu wa NightWatch, umeandaliwa na  Malaria No More kwa kushirikiana na Mradi wa Lalela,  ikiwa ni kampeni inayoshirikisha vyombo vya habari inayolenga kuwakumbusha watu juu ya umuhimu wa kulala kwenye vyandarua vyenye dawa ya kudumu  ili kujikinga na malaria. Afrika Barrick Gold Maendeleo Fund na Tanzania House of Talent zinaungana kwa pamoja kutekeleza mpango huu katika unaoanzia Kanda ya Ziwa kufikia jamii zinazoendelea kuathirika na ugonjwa huu..

Watekeliezaji mkuu katika mpango huu, Tanzania House of Talent (THT) kwa sasa wanarusha matangazo katika televisheni ya taifa na redio kama sehemu ya mkakati wake wa Zinduka! Malaria Haikubaliki! Katika kanda ya Ziwa mpango unaoungwa mkono na Afrika Barrick Gold Maendeleo Fund utatumika kama chachu katika kuimarisha kampeni hii ya kitaifa.

"Tunafurahi kufanya kazi na Tanzania House of Talent, Malaria No More na Wizara ya Afya na Ustawi wa Jamii katika kampeni hii ya kitaifa, ili kupambana na malaria ugonjwa unaoendelea kuongoza katika kusababisha maradhi na vifo katika Afrika. Hii inadhihirisha umuhimu wa makampuni na wananchi wote kwa ujumla kushikiana katika kutoa elimu juu ya malaria. Kampeni hii tumelenga Kanda ya Ziwa sehemu ambayo shughuli zetu za uchimbaji wa madini zinafanyika. " Alisema Deo Mwanyika, ABG Vice President Corporate Affairs.

Kanda ya Ziwa inakabiliwa na tatizo kubwa la malaria ikilinganishwa na sehemu nyingine za nchi. Tanzania National Malaria Control Program (NMCP) imesimamia jitihada za serikali na washirika wa  afya kwa kutoa zaidi ya vyandarua vyenye dawa ya kudumu milioni 26 miaka 3 iliyopita na pia kuongeza upatikanaji wa dawa ya ukoko, uchunguzi na matibabu ya malaria. Ili kuhakikisha kwamba mafanikio haya yanadumishwa katika kupambana na malaria, NMCP inahimiza na kuunga mkono kampeni za mawasiliano. NightWatch inaimarisha upatikanaji wa taarifa kuhusu malaria kwa njia mbalimbali, hivyo inawezesha tabia za kudhibiti malaria kama vile kulala kwenye chandarua chenye dawa kila usiku, kwenda kupata matibabu haraka kuwa tabia ya kawaida na inayozoeleka.

Programu ya Nightwatch kwa kanda ya Ziwa imeshirikisha wasanii maarufu nchini Tanzania kama vile Diamond, Masanja Mkandamizaji, Mwasiti, Dina Marios, Mheshimiwa Vicky Kamata (Mbunge) na Barnaba ambao watatumia nafasi yao kutoa ujumbe nyakati za usiku kuhusu malaria kupitia vituo vya redio za jamii.

"Lengo kubwa la kampeni ni kuwahamasisha Watanzania kuchukua hatua na kujizuia wao wenyewe na watu wengine kutoambukizwa malaria katika jamii yao. Kupitia kampeni hii, tunatarajia kumwezesha kila mtu kuchukua hatua na kulinda wenyewe na familia yake kutokana na malaria, " alisema Mwasiti, Balozi wa mradi wa Zinduka. "Kampeni hii inatarajiwa kujenga harakati nchini kote, na natumaini yangu kwamba mpango huu wa NightWatch utaongezea nguvu jitihada ambazo jamii imekua ikifanya katika sehemu wanazoishi."

Ujumbe wa Nightwatch utaanza kusikika Disemba 14, 2012 Passion FM na Kwizera FM

Kwa taarifa zaidi za kampeni ya NightWatch: http://www.malarianomore.org/what-we-do/tanzania-nightwatch