RAIS KIKWETE KUKUTANA NA CLINTON IKULU DAR ES SALAAM.

Rais wa Jamhuri ya Muungano wa Tanzania, Mheshimiwa Jakaya Mrisho Kikwete kesho, Jumamosi, Agosti 3, 2013 atakutana na kufanya mazungumzo ya faragha na rasmi na Rais wa 42 wa Marekani,

Mheshimiwa Bill Clinton ambaye anawasili nchini kwa ziara kesho mchana. Baada ya mazungumzo hayo, yatakayofanyika Ikulu, Dar Es Salaam, Rais Kikwete na Mheshimiwa Clinton watashuhudia utiaji saini wa makubaliano kati ya Serikali ya Tanzania na Taasisi ya Clinton Foundation ambako taasisi hiyo itasaidia juhudi za Tanzania kuendeleza kilimo.

Sherehe za kutia saini makubaliano hayo pia zitafanyika Ikulu. Rais Clinton yuko katika ziara ya baadhi ya nchi za Afrika ambazo zinashirikiana na taasisi yake katika kutafuta majawabu ya changamoto za maendeleo. 

Katika Tanzania, Clinton Foundation imechangia kwa kiasi kikubwa jitihada za maendeleo katika nyanja ya afya na kilimo ikiwa ni pamoja na kusaidia kupatikana kwa dawa za kurefusha maisha kwa wanaoishi na virusi.