Mashabiki wa Tamasha la Pasaka kuchagua mikoa, Msama awapigia magoti wadhamini, Waumini kuteua mgeni rasmi wa Tamasha la Pasaka Msama yaingiza sokoni ‘Msaada wangu wa karibu’Kazi imeanza Tamasha la Pasaka.

Na Mwandishi Wetu

WAKATI Tamasha la Pasaka kinatarajia kufanyika mwaka huu kwenye mikoa mbalimbali hapa nchini, mashabiki wa tamasha hilo ndio watachagua mikoa itakayofanyika.

Mfumo huo utasaidia mashabiki wa mikoani kuteua mikoa yao ifikiwe na tamasha hilo la kumuimbia na Kumtukuza Mungu kupitia nyimbo na mapambio kupitia nyimbo mbalimbali.

Wakati taratibu za maandalizi zikiendelea, Kampuni ya Msama Promotions ambao ndio waandaaji wa tamasha hilo hivi sasa wanasubiri kibali kutoka Baraza la Sanaa la Taifa (BASATA).

Kwa mujibu wa Mkurugenzi wa Msama Promotions, Alex Msama bado tunasubiri Basata watakabidhi kibali cha kufanikisha tamasha hilo ambalo mikoa sita imeonesha.

Msama alisema tamasha la mwaka huu wamejipanga kusikiliza mikoa mingi zaidi kwa sababu inaonekana mikoa mingi ina kiu ya kupata neno la Mungu kupitia waimbaji mbalimba wa Tanzania na nje.

Aidha Msama alisema wako kwenye mchakato wa kuandaa mfum ambao utafanikisha mikoa kujipigia kura.

Na Mwandishi Wetu

 

KAMATI ya Maandalizi ya Tamasha la Pasaka na Krismasi, Kampuni ya Msama Promotions imewaomba wadau wenye nia ya kufanikisha maendeleo ya matamasha hayo kuwasaidia katika muendelezo wa matamasha yanayoandaliwa na kampuni hiyo, Aprili  mwaka huu kampuni hiyo iko mbioni kuandaa Tamasha la Pasaka.  

Kutokana na hali hiyo, wadau mbalimbali ambao wamepata kutoa ahadi za namba mbalimbali katika matamasha hayo wameombwa kutekeleza ahadi zao ili zitumike katika malengo yaliyokusudiwa.

Mwenyekiti wa Kamati ya Maandalizi ya Tamasha la Pasaka, Alex Msama alisema wadau mbalimbali wa muziki wa Injili, wakiwemo baadhi ya viongozi wamekuwa wakitoa ahadi ambazo utekelezaji wake umekuwa mgumu.

“Wapo baadhi ya watu wanakuja katika matamasha yetu, wanatoa ahadi nzito hasa za fedha, lakini tamasha likishamalizika wanashindwa kutekeleza ahadi zao na ndiyo huwaoni tena, tunashukuru wapo wengine huwa wepesi kutimiza walichoahidi.

“Huwa haya matamasha tunayaandaa kwa malengo maalum, ukitaja ahadi yako huwa tunaipa thamani kubwa na ukishindwa kuitimiza unatuangusha na hilo ndilo linatuharibia sana mipango yetu,” alisema Msama ambaye pia ni Mwenyekiti wa Kamati ya Maandalizi ya Tamasha la Krismasi.

Aliwaomba baadhi ya viongozi na wadau wengine ambao wamepata kutoa ahadi mbalimbali kwenye Tamasha la Pasaka kuhakikisha wanatekeleza ahadi zao kama walivyozitoa na kusisitiza kuwa hakuna sababu ya kuwataja majina kwani wenyewe wanajitambua.

“Tunaamini pengine wana mambo mengine ndiyo sababu tumeandika barua kuwakumbusha wakati huu tukielekea katika maandalizi ya Tamasha la Pasaka,” alisema.

Na Mwandishi Wetu

KAMPUNI  ya Msama Promotions ambayo ndio waandaaji wa Tamasha la Pasaka na Krismasi inalifikisha suala la mgeni rasmi wa Tamasha la mwaka huu linalotarajia kuanza Aprili 20 katika mikoa sita hapa nchini.

Pamoja na kuwa katika mipangilio hiyo, kampuni hiyo inasubiri taratibu za upatikanaji wa kibali kutoka Baraza la Sanaa la Taifa (BASATA) ili kufanikisha tamasha hilo.

“Tunasubiri taratibu za Basata ili kufanikisha upatikanaji wa kibali kutoka Basata ili tufanye tamasha katika mfumo wa kisasa zaidi,” alisema Mkurugenzi wa Msama Promotions, Alex Msama.

Kwa mujibu wa Msama wakati wanasubiri kibali kutoka Basata wanajipanga kuwashirikisha mashabiki wa muziki wa Injili hapa nchini kuteua mgeni rasmi katika tamasha hilo.

Aidha Msama alisema tamasha la mwaka huu litakuwa ni la kisasa zaidi kwa sababu litashirikisha mashabiki na wadau kuteua mgeni rasmi na maendeleo mengine katika tamasha hilo.

Msama alisema watakachoamua mashabiki ndicho watakachokitekeleza hasa kwenye suala la mgeni rasmi.

Na Mwandishi Wetu

 

KAMPUNI ya Msama Promotions, imeingiza sokoni albamu ya Msaada wangu wa Karibu yenye nyimbo nane iliyoandaliwa na mwimbaji Grace Mwikwabe.

Kwa mujibu wa mwimbaji wa albam hiyo,  Mwikwabe Msama Promotions imefanikisha Audio na Video ya albamu hiyo ya kwanza katika tasnia hiyo ya muziki wa Injili.

Mwikwabe alitoa shukrani kwa Mungu ambaye amefanikisha maendeleo yake pia anamshukuru Msama kwa msaada aliompa katika kufanikisha kazi zake.

Aidha Mwikwabe alizitaja nyimbo zilizopo kwenye albam hiyo ni pamoja na Msaada wa Karibu, Mbali sana nimetoka, Watu wote waokoke, Eeh baba Mungu, Waringa na Kujisifu, Sifa ni kwako bwana,  Tumaini lako bado lipo na Mwambie Yesu.

Mwikwabe alitoa wito kwa waumini mbalimbali kujitokeza kuinunua albam hiyo ambayo imegusa nyanja zote mbalimbali.  

Na Mwandishi Wetu

KAMPUNI ya Msama Promotions iko katika mchakato wa kuandaa Tamasha la Pasaka linalotarajia kuanza Aprili mwaka huu huku mikoa sita ikihitaji kufanyika kwa tamasha hilo.

Tamasha la mwaka huu linalosubiri taratibu za kibali kutoka Baraza la Sanaa la Taifa (BASATA) mwaka huu limejipanga kuja katika mtindo mwingine ambao ni wa kisasa zaidi.

Kwa mujibu wa Mkurugenzi wa Msama Promotions, Alex Msama mipangilio hiyo ni pamoja na kuwashirikisha mashabiki wa muziki huo ili kuchagua baadhi ya taratibu ambazo ni muhimu na wao wakashirikishwa kwa sababu tamasha hilo ni lao.

Msama alisema tamasha la mwaka huu mpango wake ni kuendeleza mikakati ya ujenzi wa kituo cha wenye uhitaji maalum kitakachojengwa eneo la Pugu nje kidogo ya jiji la Dar es Salaam ambacho ni ‘Jakaya Mrisho Kikwete rafiki wa walemavu’.

Aidha Msama alisema ujenzi wa kituo hicho utafanikishwa pia kupitia Tamasha la Pasaka la mwaka huu ambalo limejipanga kufanikisha ujenzi huo kuptia  tamasha la mwaka huu.

“Tunatoa wito kwa wadau kujipanga kwa ajili ya kufanikisha mipangilio ya ujenzi wa kituo hicho ambacho kitafanikishwa kupitia wadau mbalimbali ambao michango yao ndio itafanikisha maendeleo hayo,” alisema Msama.

Msama alisema kituo hicho kitawahusu  walemavu, wajane, wanaoishi katika mazingira hatarishi na wenye uhitaji maalum.

Msama alisema kamati yake bado itaendeleza mipangilio yake ya kufanya tamasha hilo kwa kushirikiana na waimbaji wa Kimataifa kutoka nchi mbalimbali barani Afrika, tamasha la mwaka jana mwimbaji Rebecca Malope ni mmoja wa waimbaji waliolinogesha tamasha hilo sambamba na waimbaji wengine kama Rose Muhando, Upendo Nkone (Tanzania) na wengineo. 

Baadhi ya mikoa ambayo iliyoonesha kuhitaji kufanyika kwa tamasha hilo ni pamoja na Morogoro, Iringa, Mbeya, Dodoma, Shinyanga na Mwanza.