Msama Promotions Yakabidhi Misaada ya Vyakula,Madafutari,Hundi na Fedha Tasilimu kwa Vikundi vya Watoto Yatima Dar Es Salam yenye Thamani ya Tsh.Milioni 7.

 Mkurugenzi wa Msama Promotions akimkabidhi Mkurugenzi wa Kituo cha Watoto Yatima cha Mwandaliwa Islamic Orphans,Halima Mpeta sehemu ya misaada hiyo.

  Mkurugenzi wa Msama Promotions Alex Msama akimkabidhi mtoto Heid Din wa Kituo cha Watoto Yatima cha (TOVUCHIDO) mafuta ya kupaka mwilini.

   Mkurugenzi wa Msama Promotions Alex Msama akimkabidhi fedha tasilimu mfanyakazi wa Kituo cha (TOVUCHIDO) Honoratha Michaes.

   Mkurugenzi wa Msama Promotions Alex Msama akimkabidhi hundi Mkurugenzi wa Kituo cha Watoto Yatima cha Mwandaliwa Islamic Orphans,Halima Mpeta sehemu ya misaada hiyo.

  Mkurugenzi wa Msama Promotions Alex Msama akiwakabidhi watoto wa Kituo cha  Yatima cha Malaika.

  Mkurugenzi wa Msama Promotions Alex Msama akiwakabidhi hundi watoto wa Kituo cha Yatima cha Malaika. 

Msama akabidhi misaada kwa vituo vitatu.

 

Na Mwandishi Wetu

KAMPUNI ya Msama Promotions waandaaji wa  Matamasha ya Kirimasi na Pasaka jana ilikabidhi misaada mbalimbali kwa vituo vitatu vya jijini Dar es Salaam, ikitimiza ahadi ya kuisaidia jamii kabla ya Tamasha la mwaka huu linalotarajia kuanza Aprili 20 hapa nchini.

Kwa mujibu wa Mkurugenzi wa Msama Promotions, Alex Msama misaada hiyo iliyogharimu shilingi milioni 7 imekabidhiwa katika vituo vya TUVUCHIDO cha Temeke Maganga, Malaika Kids cha Mwananyamala na kituo cha Yatima cha Mwandaliwa.

Msama alisema katika sehemu ya msaada huo pesa taslim shilingi milioni 2.9 ni ada kwa wanafunzi na nyingine ni kwa vifaa mbalimbali yakiwemo madaftari, sabuni za mche, unga, mafuta ya kupaka na  sukari.

Aidha Msama alisema misaada hiyo imetokana na mfuko wa Tamasha la Pasaka kama ilivyokuwa kwenye Tamasha la Krismasi ambalo walikabidhi misaada ya shilingi milioni 7.

Mkurugenzi wa TUVICHIDO, Honarata Michael alimpongeza Msama kwa kuwajali watoto na jamii kwa ujumla.

Naye Mkurugenzi wa kituo cha Mwandaliwa, Halima Mpeta alisema anamshukuru Msama kwa kujali jamii kwani katika kituo chake si mara ya kwanza kukisaidia na amezidi kumuomba aendelee na moyo wa kukisaidia kituo chake na vingene vyenye mahitaji.